थाइल्याण्ड भ्रमण : प्रधानमन्त्री ओलीसहित २१ जना जाने

फाइल तस्बिर

काठमाडौँ- प्रधानमन्त्री केपी शर्मा ओली आज थाइल्याण्ड प्रस्थान गर्दैछन् ।

जसअनुसार दिउँसो १:०० बजे थाइल्याण्डका लागि प्रधानमन्त्रीको टोली नेपालबाट प्रस्थान गर्नेछ । सोअघि त्रिभुवन अन्तराष्ट्रिय विमानस्थलमा प्रधानमन्त्री ओलीले पत्रकार सम्मेलन गर्दैछन् ।

प्रधानमन्त्री ओलीको भ्रमण दलमा २१ सदस्यीय रहने भएका छन् । जसअनुसार प्रधानमन्त्री ओलीसँगै प्रथम महिला राधिका शाक्य, परराष्ट्रमन्त्री डा. आरजु राणा देउवा, प्रधानमन्त्रीका मुख्य सल्लाहकार विष्णुप्रसाद रिमाल, आर्थिक–विकास सल्लाहकार डा. युवराज खतिवडा, नेपाल सरकारका मुख्यसचिव एकनारायण अर्याल रहने छन् ।

साथै, परराष्ट्र मन्त्रालयका सचिव अमृतबहादुर राई, प्रधानमन्त्रीका निजी चिकित्सक डा. दिव्यासिंह शाह, प्रधानमन्त्रीका प्रमुख स्वकीय सचिव राजेश बज्राचार्य, सुरक्षाकर्मी र सञ्चारकर्मीसहित २१ जना रहने प्रधानमन्त्रीको सचिवालयले जनाएको छ ।