रेबिकालाई न्यायको माग गर्दै कोटेश्वर बहुमुखी क्याम्पसका बिद्यार्थीले गरे प्रदर्शन

काठमाडौं- कोटेश्वर बहुमुखी क्याम्पसका बिद्यार्थीहरुले रेबिका खत्रीको न्यायको लागी बिरोध प्रदर्शन गरेका छन् । चैत्र १५ गते राजावादीहरुको आन्दोलनमा परी प्रहरीले गोली प्रहार गर्दा खत्री गम्भीर घँइते भएकी थिइन् ।
निर्दोष खत्री प्रति प्रहरीले दमन गरेको भन्दै बिद्यार्थीहरुले जडिबुटीमा केहीबेर चक्काजाम गरेका थिए भने  कोटेश्वरमा आएर उक्त नारा कोणसभामा परिणत भएको  थियो  । आन्दोलनको दिन उनलाई भाटभटेनी नजिक गोली लागेको थियो । उनको  सिभिल अस्पताल आइसियुमा उपचार भइरहेको छ ।

क्याम्पसका स्ववियु सभापती सन्जय बुढाथोकीले एक निर्दोष बिद्यार्थी माथी गोली प्रहार हुनु आफैंमा खेदजनक रहेको बताए । कोण सभामा बोल्दै बुढाथोकीले भने , ‘ यदि रेबिकाको खर्च सरकारले लिन मानेन भने थप न्यायको लागी आवाज उठाइरहने छौ“ ’। रबिका बिबिएस तेस्रो बर्षमा अध्ययनरत छात्रा हुन् ।

आन्दोलनका क्रममा सोही दिन पत्रकार सुरेश रजकको समेत ज्यान गएको थियो भने दर्जनौं भौतिक सम्पत्ती माथी तोडफोड भएको थियो ।- अभिषेक अधिकारी