गर्भनर प्रकरणमा सुदन किराती बोलेः सिंहदरबारको कुशासनले गणतन्त्रमाथि खतरा बढ्यो

काठमाडौँ- नेकपा माओवादी केन्द्रका नेता तथा सांसद सुदन किरातीले गर्भनर नियुक्तिबारे ‘’बाह्र वर्ष कुकुरको पुच्छर ढुङग्रो राखे पनि बाङ्गोको बाङ्गै" भन्ने उखान भनेर व्यंग्य गरेका छन् ।

मंगलबार सामाजिक सञ्जालमा लेख्दै मापदण्ड अनुसार व्यक्ति छनोट गर्ने होइन, व्यक्ति अनुसार मापदण्ड बनाउने सरकारको नियत स्पष्ट देखियो भन्दै आपत्ति जनाएका हुन् । व्यक्ति अनुसार मापदण्ड बनाउने सरकारको नियत स्पष्ट देखिएको उनले टिप्पणी गरेका छन् ।

‘स्वार्थ समूहको हाबी, ठूलो मात्रामा आर्थिक लेनदेन र राम्रालाई होइन हाम्रालाई नियुक्ति गर्ने प्रवृतिले फेरि पनि निरन्तरता पायो,’ उनले भनेका छन्,’ सिंहदरबारको कुशासनले एकातिर गणतन्त्र माथी अझ खतारा बढने र अर्कोतिर खैरो बाटोमा हिँडेको अर्थतन्त्र अब कालो बाटोमा पुग्ने निश्चित छ ।