क्रिकेटर सौरभको बायोपिकमा फिल्म बन्ने, स्त्रीः २ का राजकुमार राव देखिने

मुम्बई- बलिउडका चर्चित निर्देशक विक्रमादित्य मोटवानेले भर्खरै स्पोर्ट्स ड्रामा फिल्ममा काम गरिरहेको खुलासा गरेका छन् ।
अहिले उनको फिल्मको नायक पनि भेटिएको खबर आएको छ । मिड डेको रिपोर्ट अनुसार विक्रमादित्यको स्पोर्ट्स बायोपिकका लागि राजकुमार रावसँग कुराकानी गरिरहेका छन् ।
विक्रमादित्य लामो समयदेखि आफ्नो स्पोर्ट्स बायोपिक फिल्मका लागि नायकको खोजीमा थिए । अब स्त्रीः २ अभिनेता राजकुमार रावसँग कुरा मिलेसँगै खोजी समाप्त भएको विश्वास गरिएको छ।
यदि सबै कुरा ठीक भयो भने राजकुमार राव र विक्रमादित्यको जोडी फेरि एकपटक देखिनेछ । यसअघि दुवैले २०१७ मा रिलिज भएको फिल्म ‘ट्रापड’ मा सँगै काम गरेका थिए ।
यस विषयमा जानकारी दिँदै परियोजनासँग सम्बन्धित एक स्रोतले भन्यो, ‘विक्रमादित्य एक वास्तविक जीवन खेलाडीमा आधारित खेलकुद फिल्ममा काम गरिरहेका छन्। राजकुमारले यस परियोजनामा रुचि देखाएका छन्।’ अब चलचित्रको छायांकन तीव्र गतिमा हुने पनि स्रोतले जनाएको छ ।
लामो समयदेखि भारतीय टिमका पूर्व कप्तान सौरभ गांगुलीको बायोपिक बन्ने खबर आएको थियो । केही दिनअघि सौरभको भूमिकाका लागि आयुष्मान खुरानालाई अप्रोच गरिएको खबर बाहिरिएको थियो । तर, त्यो बेला उनले फिल्मका लागि होइन भनेका थिए ।
तर अब पछिल्लो रिपोर्ट अनुसार सौरभको बायोपिकमा राजकुमारले महत्वपूर्ण भूमिका निर्वाह गर्नेछन् । यद्यपि यो सौरभको बायोपिक हुनेछ भन्ने स्पष्ट भइसकेको छैन ।
राजकुमार रावले सन् २०२४ मा ‘स्त्री २’ जस्ता फिल्मबाट बक्स अफिस हल्लाएका थिए । यस फिल्ममा उनीसँग श्रद्धा कपूर, पंकज त्रिपाठी, अपारशक्ति खुराना र अभिषेक बनर्जीजस्ता स्टारहरू पनि देखिएका थिए। यसले बक्स अफिसमा मात्रै ८८४ करोड रुपैयाँ कमाएको थियो ।
अब यो स्पोर्ट्स बायोपिक बाहेक राजकुमारसँग ‘भुल चुक माफ’, ‘मलिक’ र ‘टोस्टर’ जस्ता फिल्महरू पनि छन्। ‘भुल चुक माफ’ मा अभिनेता वामिका गब्बीसँग पहिलो पटक स्क्रिन सेयर गर्दैछन् । दुबैको यो फिल्म मे ९ मा रिलिज हुँदैछ ।

जेम्स क्यामरूनको ‘अवतारः३’ चुहियो कथा, फिल्ममा सुली परिवार थपियो

अन्ततः अगस्त १४ मा भिड्ने भयो ऋतिक रोशन र रजनीकान्तका फिल्म

अब राजामौलीको फिल्म दुई भागमा होइन एक भागमा रिलिज हुने

पोस्ट लाइक गर्दा मराठी कलाकारले गुमाए ६१ लाख रूपैयाँ

लेखक वज्राचार्यद्वारा लेखिएको पुस्तक ‘स्तूप र चैत्य’ परिमार्जनसहित पुनः प्रकाशित

'कान्ताराः च्याप्टर १' अब अक्टोबर २ मा, देखिने छन् तीन हजार कलाकार

बिक्की कौशलको ‘छावा’ को विश्वव्यापी कलेक्सन ८०० करोड बढी

प्रतिक्रिया