ताइवानको सीमा नजिक चीनले गर्‍यो युद्ध अभ्यास

बेइजिङ- चीनले पृथकतावाद विरुद्ध कडा चेतावनीको रूपमा ताइवानको उत्तर, दक्षिण र पूर्वी तटहरूमा मंगलबार सैन्य अभ्यास गरेको छ।

र, ताइवानका राष्ट्रपतिलाई परजीवी भनेर टिप्पणीसमेत गरेको छ ।

ताइवानले आफ्नो किनारमा चीनको नौसेनालाई जवाफ दिन युद्धपोतहरू पठाएपछि चीनले मंगलबार सैन्य अभ्यास गरेको हो । तर, गत वर्ष युद्ध अभ्यासको विपरित चीनले औपचारिक रूपमा कुनै नाम भने दिएको छैन् ।

चिनियाँ बयानबाजी र अमेरिकी रक्षा सचिव पीट हेगसेथको एसिया भ्रमणको पछि यो अभ्यास भएको हो, जुन भ्रमणको क्रममा उनले बारम्बार बेइजिङको आलोचना गरेका थिए ।

बेइजिङको पूर्वी क्षेत्रका कमाण्डले एक विज्ञप्तिमा भनिएको छ, ‘लडाईमा सेनाको समन्वयको परीक्षण गर्न चीनको सेनाले टापुमा नाकाबन्दी गर्ने अभ्यास गर्न जहाज, विमान र तोपखाना तैनाथ गरेको छ।’

गत मेमा लाइको उदयको तीन दिन पछि चिनियाँ सेनाहरूले पहिलो टापु श्रृंखलाको पश्चिम क्षेत्रहरूमा पूर्ण नियन्त्रण कब्जा गर्न युद्ध अभ्यासहरूको आयोजना गरेका थिए । चीनले प्रजातान्त्रिक रूपमा शासित ताइवानलाई आफ्नो क्षेत्र मान्दछ र नेतृत्व लाइलाई ‘पृथकतावादी’ भन्दै आएको छ ।

यसको घोषणाको साथमा एउटा भिडियोमार्फत पूर्वी क्षेत्रका कमाण्डले उनलाई अंग्रेजीमा ‘परजीवी’ भनेका हुन । र, उसलाई जलिरहेको ताइवानमा चपस्टिकले समातेको हरियो बगको रूपमा चित्रणसमेत गरेर देखाइएको थियो ।