राष्ट्रिय स्वतन्त्र पार्टीले भन्योः राजावादीका आन्दोलनमा पक्राउ परेकाहरु हाम्रो कार्यकता होइनन्

काठमाडौँ- राष्ट्रिय स्वतन्त्र पार्टीले राजावादीहरूको आन्दोलनमा पक्राउ परिएका व्यक्तिहरू आफ्नो कार्यकर्ता नभएको दाबी गरेको छ । बिहीबार एक विज्ञप्ति जारी गर्दै खोटाङ काङ्ग्रेसका पूर्व नेता रहेका डा. राज कुमार राई, भगवती रोका  लगायतका व्यक्तिहरु करिब ३ महिना अगाडि राष्ट्रिय स्वतन्त्र पार्टीबाट अलग भएको स्वघोषणा गरेका र हाल कुनै जिम्मेवारीमा नरहेका कुरा पार्टीले स्पष्ट पारेको छ ।

उनीहरु रास्वपाका विभिन्न महत्वपूर्ण पदमा रहेको भनी मिडियामा आएकाले उक्त कुरामा कुनै सत्यता नभएको र भ्रमपूर्ण रहेको पार्टीले बताएको छ ।

कानुन उल्लंघन गर्ने जो सुकै मानिस कानुनको दायरामा आउनुपर्ने र पार्टी भित्रका पनि चाहे जुनसुकै पद र मर्यादामा बसेका भए पनि पार्टीको तर्फबाट कानुनलाई पूर्ण सहयोग हुने कुरामा पार्टी प्रतिबद्ध रहेको कुरा  विज्ञप्तिमा उल्लेख छ ।