गेरु वस्त्रधारीले उँटलाई भारी बोकाएर माग्दै मोरङ्गका गाउँ-गाउँमा

काठमाडौँ-  मोरङ्ग बेलबारी नगरपालिका १० उँटलाई भारी बोकाएर मानिसहरू माग्न हिँडेको पाइएको छ । यतिखेर सामाजिक सञ्जालमा उक्त भिडियो भाइरल भइरहेको छ । गर्मीयामको तातो सडकमा उँटलाई भारी बोकाएर टोल-टोलमा माग्दै हिँडिरहेको  स्थानीयबासीले बताएका छन् ।

एक स्थानीयका अनुसार  बिहान उँटलाई देखाएर भारतीय माग्न आइरहेका छन् ।  तातो गर्मी सडकमा उँटलाई भारी बोकाएर पँहेलो लुगा लगाएर माग्न आइरहेको उनले बताए ।

डिभिजन वन कार्यालय, मोरङका सूचना अधिकारी रामलखन ठाकुरले तीन दिन अगाडि बेलबारीमा प्रवेश गरेको बताए । भारतीयहरूले बेलबारीबाट पूर्वतर्फ हिँडाएर लगेको उनले बताए । उनका अनुसार तीन देखि चार जनाले उक्त जनावरलाई लिएर गएका छन् ।

उँटलाई वनका कर्मचारी खटाएर भए पनि उक्त जनावरलाई उद्धार गर्ने ठाकुरले इकागजलाई बताए ।

त्यसैगरी जिल्ला प्रशासन कार्यालय मोरङ्गका प्रमुख जिल्ला अधिकारी इन्द्रदेव यादवले उँट कुन क्षेत्रमा लगिएको छ त्यसलाई बुझ्न लगाउन बताए ।