शनिबार २३ चैत, २०८१
Saturday, April 05, 2025

ओलीसँगको भेटवार्तापछि भारतीय प्रधानमन्त्री मोदीले भनेः भारतले नेपालको सम्बन्धलाई धेरै महत्त्व दिएको छ

काठमाडौँ- थाइल्याण्डमा भारतीय प्रधानमन्त्री नरेन्द्र मोदीले केपी शर्मा ओलीसँग भेटवार्ता गरेका छन् ।

मोदीले प्रधानमन्त्री ओलीसँग भेट गरेको फोटो सामाजिक सञ्जालमा सेयर गर्दै उनले बैंककमा ‌ओलीसँगको भेटघाट उपलब्धीमूलक भएको बताएका छन् । भारतले नेपाललाई सम्बन्धको हिसाबले प्राथमिकतामा राखेको उनले उल्लेख गरेका छन् ।

भेटवार्तामा विभिन्न पक्षलाई लिएर वार्ता भएको उनले बताएका छन् । नेपाल-भारतमैत्री सम्बन्ध,उर्जा, संस्कृति तथा सूचना प्रविधिको बारेमा कुराकानी भएको प्रधानमन्त्री मोदीले बताएका छन् ।

बिमस्टेक सम्मेलन यस वर्ष उपलब्धीमूलक रहने उनको भनाइ छ । विपत्ति व्यववस्थापन र सामुद्रीक यातायातको बारेमा छलफल भएको उनले बताएका छन् ।