कार्यवाहक प्रधानमन्त्री सिंहको सक्रियता : शिक्षक आन्दोलन समाधान देखि वायु प्रदूषण नियन्त्रणको पहल

 

काठमाडौं- प्रधानमन्त्री केपी शर्मा ओली मंगलबार थाइल्याण्डको औपचारिक भ्रमण र बिमस्टेक सम्मलनमा सहभागि हुन गएपछि उपप्रधान एवम् शहरी विकास मन्त्री प्रकाशमान सिंहलाई कार्यवाहक प्रधानमन्त्रीको जिम्मेवारी तोकिएको छ । उपप्रधानमन्त्री सिंहले कार्यवाहकको जिम्मेवाारी पाएसँगै सक्रियता बढाएका छन्। देशमा अहिले देखिएका समस्या समाधानका लागि कार्यवाहक प्रधानमन्त्रीका रुपमा सिंहले अग्रसरता देखिएको छ । सिंहले सडकमा भइरहेको शिक्षकहरुको आन्दोलन होस् वा अहिले देखिएको वायु प्रदूषणको समस्या निकासका लागि पहल गरेका छन् ।

स्काउट विवाद समाधान लामो समयदेखि नेपाल स्काउटमा देखिएको विवाद समाधान भएको छ। आन्दोलनरत पक्षसँग ५ बुँदे सहमति भएसँगै नेपाल स्काउटको विवाद समाधान भएको हो। विवाद समाधानका लागि कार्यवाहक प्रधानमन्त्री सिंहले चासो देखाएपछि वातावरण सहज बनेपछि ८ दिनदेखि जारी अनसन तोडिएको छ ।

युवा तथा खेलकुद मन्त्रालयका सहसचिव सुवासचन्द्र शिवाकोटीको नेतृत्वमा गठन सरकारी वार्ता टोली र नेपाल स्काउट शुद्धिकरण अभियानको वार्ता टोलीबीच बुधबार राति ५ बुँदे सहमति भयो । स्वर्गिय पत्रकार रजक परिवारसँग सहजीकरण राजावादीहरुको आन्दोलनका क्रममा निधन भएका पत्रकार सुरेश रजकको शब अस्पतालमा थियो ।

परिवारकातर्फबाट केही मागहरु थिए । त्यसमा सहजीकरण गर्दै उनको शवको एक्सरे र पोष्टमार्टम गर्न समस्या भइरहेका बेला सिंहले चासो देखाउनु भएपछि परिवारको सहमतिमा रजकको अन्तिम संस्कार गरिएको छ । रजकको निधनपछि क्षतिपूर्ति र शहिद घोषणको माग एभिन्यूज टेलिभिजनकातर्फबाट रखिएको थियो । शिक्षकहरुको आन्दोलन समाधानमा चासो शिक्षा विधेयकका विषयमा असन्तुष्टि राख्दै अहिले शिक्षकहरु आन्दोलनमा छन् । शिक्षकहरुले राखेका माग सम्बोधनका लागि पनि कार्यवाहक प्रधानमन्त्री सिंहले चासो राख्नुभएको छ ।

शिक्षकका मागसँग सरोकार राख्ने शिक्षा र गृहमन्त्री सहित संसदको शिक्षा समितिलाई बिहिबार बोलाएरै उहाँले शिक्षा विधेयकका बारेमा छलफल गर्नुभएको छ । शुक्रबार पनि उहाँले शिक्षा मन्त्री र गृहमन्त्री सँग पुनः छलफल गर्नुभयो । छलफलपछि शिक्षा मन्त्री विद्या भट्टराईले कार्यवाहक प्रधानमन्त्री सिंहले शिक्षाको विषयलाई शिक्षा मन्त्रालयको मात्र विषय नभई सरकार र संसदकै विषय ठानेर कार्यवाहक प्रधानमन्त्री सिंहले छलफल गर्नुभएकोमा धन्यवाद व्यक्त गरे । आन्दोलनरत शिक्षकहरुलाई छलफलमा बोलाएपनि नआएको भन्दै उनले सरकार शिक्षकका माग सम्बोधनमा लचिलो रहेको बताउनुभयो । सरकारले शिक्षकहरुलाई छलफलमा आउनका लागि पनि आव्हान गरेको छ । वातावरण प्रदूषण नियन्त्रणमा चासो काठमाडौंको वातावरण पछिल्लो समय विश्वकै प्रदूषित मध्येमा परिरहेको छ ।

कसरी वातावरण प्रदूषण नियन्त्रण गर्न सकिन्छ र यसको असर न्यूनिकरण गर्न सकिन्छ भन्ने विययमा उहाँले विज्ञहरुसँग छलफल गर्नुभएको छ । बिहिबार विज्ञ र सरोकारवालाहरुसँगको छलफलपछि मन्त्रीहरुसँग पनि उहाँले वायु प्रदूषण नियन्त्रणका बारेमा छलफल गर्नुभएको थियो । सरकारले विज्ञहरुको रायपछि वायु प्रदूषण कायम रहिरहे यसको असर न्यूनिकरण गर्न थप कदम चाल्ने गृहकार्य गरिररहेको छ । जनमुखी बजेट निर्माणमा जोड शुक्रबार कार्यवाहक प्रधानमन्त्री सिंह योजना आयोगले आयोजना गरेको १६ औं योजना कार्यान्वयन तथा आगामी आर्थीक वर्ष ०८२ ८३ को बजेट तर्जुमासम्बन्धि अन्तरक्रियामा सहभागि हुनुभयो । उहाँले जनताले महसुस गर्ने गरि आगामी वर्षको बजेट बनाउनुपर्नेमा जोड दिनुभएको छ ।

प्रधानमन्त्रीको अनुपस्थितीमा कार्यवाहक प्रधानमन्त्री सिंहले आफ्नो शहरी विकास मन्त्रालयको कामसँगै राष्ट्रिय मुद्धाहरुमा पनि सकारात्मक पहलकदमी लिइरहनुभएको छ । किर्तिपुरमा निर्माणाधिन क्रिकेट मैदानको कार्यकक्षबाट नियमित अनुगमनदेखि व्यवस्थित शहरीकरणका लागि शहरी नीतिमाथि सरोकारवालासँग छलफल गर्नुभएका कार्यवाहक प्रधानमन्त्री सिंहले राष्ट्रिय चासोका विषयहरुलाई पनि गम्भीरताका साथ लिँदै गतिविधि अघि बढाउनुभएको सिंहको सचिवालयले जनाएको छ ।