बालेनले भनेः महानगर कसैले फोहोर गर्छ भनेर जरिवाना तिराउन महानगर बस्दैन, सार्वजनिक स्थानमा फोहोर नहोस

काठमाडौँ- काठमाडौँ महानगरपालिकाका मेयर बालेन शाहले राप्रपाले आजको कार्यक्रमा सफा गरेकोमा धन्यवाद व्यक्त गरेका छन् । मंगलबार राप्रपाले बल्खुमा आमसभा आयोजना गरेको थियो । आयोजना पश्चात राप्रपाका कार्यकर्ताले सफा गरेका थिए ।

‘कसैले फोहोर गर्छन् र जरिवाना तिराउने भनेर महानगर बसेको हुदैन । सार्वजनिक स्थानमा कुनै पनि व्यक्ति, संस्था र कार्यक्रमले फोहोर नगरोस् भन्ने महानगर चाहन्छ,’ उनले सामाजिक सञ्जालमा लेखेका छन् ।

कार्यक्रममा राप्रपाका अध्यक्ष राजेन्द्र लिङ्देनले काठमाडौँ महानगरकाका मेयर बालेनलाई फोहोर भयो भनेर चिठी काटेर हिरो नबन्न अनुरोध गरेका थिए । उनले कार्यकर्तालाई बाटोमा फोहोर भए सबै सफा गरेर जान पनि निर्देशन दिएका थिए ।