परिवर्तनको रक्षा एमालेले गर्ने

फाइल तस्विर

काँक्रेविहार (सुर्खेत)- नेपाल कम्युनिष्ट पार्टी (एमाले)का महासचिव शङ्कर पोखरेलले जनताले ल्याएको परिवर्तनको रक्षा एमालेले गर्ने बताएका छन् । नेकपा एमालेले आज यहाँ आयोजना गरेको बृहत् खबरदारी सभालाई सम्बोधन गर्दै उहाँले जनताले दिएको जिम्मेवारी एमालेले सम्हाल्न सक्ने सन्देश दिनका लागि जनताको बीचमा आएको बताए ।

“गणतन्त्रले के दियो भन्नेहरूले यो कुरा देख्न सक्नुपर्छ । दसैँमा एक माना चामल पायो भने टीका लगाउन पाइन्न भन्ने अवस्थाबाट कर्णालीवासी आज चामलको भात खान सक्ने भएका छन्”, उनले भने । नेपालको राजनीतिमा अढाइ सय वर्ष शासन गरेको शाहवंशीय राजसंस्था जनताको आन्दोलनबाट सधैँका लागि बिदा गरिसकेको उनको भनाइ छ । -रासस