तीन संसदीय समितिको बैठक बस्दै

काठमाडौँ- संघीय संसदका तीनवटा समितिको बैठक बस्दैछ ।

संसद सचिवालय, सिहदरवार परिसरमा तीनै वटै समितिको बैठक बस्न लागेको हो ।

जसअनुसार  पूर्वाधार विकास समितिको बैठक बिहान ११:०० बजे बोलाइएको छ। जुन बैठकमा विद्युत विधेयक, २०८० माथि दफावार छलफल जारी रहने भएको छ ।

उता, विकास, आर्थिक मामिला तथा सुशासन समितिको बैठकमा भने  चालु आर्थिक बर्ष ०८१/०८२ को बजेटको खर्चको स्थिति र अगामी आर्थिक वर्ष ०८२/०८३ को बजेटको तयारी सम्बन्धमा  छलफल हुनेछ । जुन बैठक बिहान १०:०० बजेवाट सुरू हुने जनाइएको छ।

विधायन व्यवस्थापन समितिको बैठकमा भने पुरानै अजेन्डा पानीजहाज (सञ्चालन तथा व्यवस्थापन) विधेयक, २०८१ मा दफावार छलफल गरिने भएको छ। जुन बैठक बिहान ११:०० बजे बाेलाइएको छ ।