नेपालले गर्‍यो हङकङलाई ११५ रनमै अलआउट

काठमाडौँ- नेपालले आईसीसी यू-१९ विश्वकप एसिया छनोटअन्तर्गत तेस्रो खेलमा हङकङलाई ११५ रनमा अलआउट गरेको छ । बुधबार मुलपानी क्रिकेट मैदानमा टस हारेर पहिले ब्याटिङको निम्तो पाएको हङकङले ४६.२ ओभरमा अलआउट हुँदै ११५ रन बनाएको हो ।

नेपालका युवराज खत्रीले १० ओभरमा ४ विकेट लिए भने विपिनप्रसाद शर्माले ३ विकेट लिए ।

त्यस्तै सन्तोष यादव २ विकेट लिए । अशोक धामीले एक विकेट लिएका छन् ।

त्यसैगरी हङकङका शिव माथुरले सबैभन्दा बढी ६३ रन बनाए । त्यस्तै आर्या पन्जवानीले १३ तथा वीर माथुरले १२ रन बनाए ।