केन्द्रीय समिति बैठकमा रास्वपाको सहमहामन्त्री पदबाट राजीनामा दिने सुमना श्रेष्ठको तयारी

काठमाडौँ- राष्ट्रिय स्वतन्त्र पार्टी (रास्वपा) को सहमहामन्त्री पदबाट सुमना श्रेष्ठले राजीनामा दिने तयारी गरेकी छन् । बिहीबार बस्ने केन्द्रीय समिति बैठकमा राजीनामा पत्र पेस गर्ने तयारी गरेको रास्वपाका एक नेताले बताए ।

उनले एक व्यक्ति एक पदको जिम्मेवारीलाई व्यवहारमा उतार्न चाहेको भन्दै आफू प्रतिनिधिसभा सदस्य रहेकाले सहमहामन्त्री पदबाट राजीनामा दिन लागेको रास्वपाका नेताहरूलाई बताउने गरेकी छन् । उनको राजीनामाको प्रस्ताव रास्वपाका कार्यवाहक सभापति डिपी अर्यालसँग पुगेको छ ।