बुटवलमा महिलामाथि गोली प्रहार

सांकेतिक तस्बिर

काठमाडौँ- बुटवलमा एक महिलामाथि गोली प्रहार भएको छ । शनिबार बिहान करिब साढे ९ बजे बुटवल ११ बुद्धनगरमा बस्दै आएकी टिका विष्ट क्षेत्रीमाथि गोली प्रहार भएको हो ।

क्षेत्रीको ढाडमा गोली लागेको बुटवल प्रहरीले जनाएको छ । उनको लुम्बिनी प्रादेशिक अस्पतालमा उपचार भइरहेको छ ।

पाल्पा घर भएकी क्षेत्री बुटवल बस्दै आएकी थिइन् । घटनाबारे विस्तृत विवरण आउन बाँकी छ ।