काक्रा आफू खाएर बियाँ अरुको निधारमा टास्‍नेलाई राम्ररी बुझेको छुः योगेश भट्टराई

काठमाडौँ- नेकपा एमालेका सचिव तथा सांसद योगेश भट्टराईले पोखरा र भैरहवा विमानस्थल निर्माण गर्दा निर्णय गर्दाको हस्ताक्षरसहितले राज्यलाई नोक्सानी पुर्याउने प्रमाण भएमा सार्वजनिक रुपमा पेश गर्न चुनौती दिएका छन् । सोमबार सामाजिक सञ्जालमा लेख्दै उनले मेरा विरुद्ध प्रायोजित समाचार उत्पादन गर्ने कारखानालाई प्रमाण देखाउन चुनौती दिएका छन् ।

‘सत्ता र पदको दुरुपयोग गरेर भ्रष्टाचार र बेथितीको दलदलमा जाकीएकाहरु काँक्रा आफू खाने र बियाँ अर्काको निधारमा टाँस्न कती खप्पीस छन भन्ने मैले राम्ररी बुझेको छु। मीडिया ट्रायल गरेर उम्कन सकिंन्छ भनेर ढुक्क नभए हुन्छ,’ उनले भनेका छन्,’ म २०७६ साउन १५ गतेदेखी २०७७ पौष ५ गतेसम्म संस्कृति, पर्यटन तथा नगारिक मन्त्रीको जिम्मेवारीमा रहेको हो ।‘