एमएडब्लू वृद्धिले निर्माण गर्‍यो नेपालभर १ सयभन्दा बढी स्थानमा चार्जिङ स्टेसन

एमएडब्लू वृद्धिले नेपालभर १ सयभन्दा बढी स्थानमा चार्जिङ स्टेसन निर्माण गरी सञ्चालनमा ल्याएको अवसरमा केक काटेर विशेष कार्यक्रमको आयोजना गर्‍यो । १ सय प्लस चार्जिङ स्टेसनको कोसेढुंगा पार गरेको उपलक्ष्यमा आयोजना गरिएको विशेष कार्यक्रममा ईभी उद्योगका प्रमुख व्यक्तिहरू, मूल्यवान् साझेदारहरू र ईभी प्रयोगकर्ताहरूको उपस्थिति रहेको थियो ।

सो अवसरमा एमएडब्लू वृद्धिका सम्मानित सहभागीहरू, एमएडब्लू वृद्धिका एमडी विवेक सिकारिया, एमएडब्लू वृद्धि कमर्सियलका सीईओ तुषार गुप्ता, एमएडब्लू वृद्धि मोटर्सका सीईओ प्रसन्न पन्त र एमएडब्लू वृद्धि अटोकर्पका सीईओ रूपेश शर्मा भट्टलगायत अन्य व्यक्तिहरूको उपस्थित थियो ।

एमएडब्लू वृद्धि नयाँ नेटवर्क सीसीएस२ टाइप डीसी फास्ट चार्ज गर्न सकिने चार्जिङ स्टेसनहरू काठमाडौं, पोखरा, विराटनगर र चितवनजस्ता राजधानी शहरहरूदेखि मुस्ताङ, डोटी, सुर्खेत, टीकापुर र डडेल्धुराजस्ता विकट क्षेत्रहरूमा समेत सञ्चालनमा आउनुले ईभी प्रयोगकर्ताहरूलाई सहज हुनेमा कम्पनी विश्वस्त छ । नेटवर्कमा ४० किलोवाट (१गन) र ६० किलोवाट (२गन्स) दुवै चार्जरहरू छन्, जसले गर्दा यात्रामा गति र आराम प्रदान गर्ने बताइएको छ ।

कार्यक्रममा एमएडब्लू वृद्धि कमर्सियलका सीईओ गुप्ताले भने, 'यो केवल नम्बर होइन, यसले नेपालको हरित भविष्यप्रतिको हाम्रो प्रतिबद्धतालाई पनि प्रस्ट्याएको छ । हाम्रो निरन्तर बढ्दो नेटवर्कद्वारा हामी नेपालीहरूलाई विश्वासका साथ विद्युतीय गतिशीलतामा जान सक्षम बनाउँछौँ र हामी भर्खरै सुरु गर्दै छौँ ।'

एमएडब्लू वृद्धिले भविष्यमा नेपालभरि आफ्ना ईभी चार्जिङ नेटवर्क विस्तार गर्ने अभियानलाई रन्तरता दिने बताएको छ । यो उपलब्धिले पूर्वाधार सुधार गर्न र देशभर विद्युतीय सवारीसाधनको स्वामित्वमा राम्रो पहुँच सुनिश्चित गर्न सघाउ पुग्ने कम्पनीको भनाइ छ ।