धरानमा विमानस्थल बनाउन नसकेकोमा दुःखी छुः पूर्व मन्त्री किराती

काठमाडौँ- पूर्व संस्कृति, पर्यटन तथा नागरिक उडड्यन मन्त्री सुदन किरातीले धरानमा विमानस्थल बनाउन नसकेकोमा दुःखी बनेको प्रतिक्रिया दिएका छन् । मंगलबार बिहान उनले सामाजिक सञ्जालमा लेख्दै धरानमा विमानस्थल बनाउन नसकेकोमा धेरै दुःखी बनेको उल्लेख गरेका छन् ।

‘नबनिने स्थानमा बनिन्छ भन्दै चुनावी नारा बनाएर जनतालाई मुर्गा बनाउने खेलको मैले सदाका लागी अन्त्य गर्न सकेको छु । फेरि ठूलो स्वरमा एकपटक भन्छु, म दु:खी छु,’ उनले भनेका छन्,’ जिम्मेवारीमा बसेर अब उप्रान्त कसैले पनि भैँसीसँग कुखुराको भाले साट्ने मुर्खता नगरौं । देश र जनतालाई छातिमा राखौं ।‘

धरानमा विमानस्थल बनाउन चाहना भए पनि भावनाले मात्र नहुने उनको भनाइ छ । ‘सार्वजनिक पद धारण गरेको व्यक्तिले कानुन बमोजिम काम गर्नुपर्ने हुन्छ,’ उनले लेखेका छन्,’ कानुन विपरीत कसैले काम गर्छ भने त्यो भ्रष्टाचार हुन जान्छ । कुनैबेला त्यो भ्रष्टाचार प्रमाणित भएपछि निर्णय गर्ने व्यक्ति जेल जानु पर्छ ।‘