माओवादीको निर्णय : शिक्षक र निजामती विधेयक अघि बढाउन पहल गर्ने, सरकारलाई संसद्‌बाटै दबाब दिन प्रचण्डको निर्देशन

काठमाडौँ- शिक्षा विधेयक र शिक्षकहरूका समस्या समाधान गर्न नेकपा माओवादी केन्द्रले पहलकदमी गर्ने भएको छ । बिहीबार बसेको पार्टीको संसदीय दलको बैठकले यस्तो निर्णय गरेको हो ।

माओवादीका प्रमुख सचेतक हितराज पाण्डेका अनुसार सरकारले शिक्षकहरूका माग सम्बोधन गर्न चासो नदेखाएको भन्दै अन्य दलहरूसँग  छलफल गरेर समस्या समाधानका लागि पहल गर्ने निर्णय गरेको हो ।

माओवादीका अध्यक्ष पुष्पकमल दाहाल प्रचण्डले संसद्‌मा पुगेका विधेयकहरू पारित गर्न पार्टीका तर्फबाट संसद्‌मा भूमिका खेल्न निर्देशन दिएका छन् ।

त्यस्तै निजामती कर्मचारी, प्रहरी विधेयकलाई पनि अघि बढाउन पहलकदमी गर्ने निर्णय गरेको छ ।