लेवान्डोवस्कीले स्पेनिस कोपा डेल रे फाइनल खेल्न नपाउने

काठमाडौँ- बार्सिलोनाका पोलिस फरवार्ड रोबर्ट लेवान्डोवस्की खेल खेल्नबाट बञ्चित हुने भएका छन् ।

आज रियाल मड्रिडविरुद्धको स्पेनिस कोपा डेल रे फाइनल खेल खेल्न उनले नपाउने भएका हुन् ।

स्पेनिस ला लिगा अन्तर्गत गत साता सेल्टा भिगोविरुद्धको खेलमा लेवान्डोवस्की घाइते भएका थिए । उनको मांसपेशीमा चोट लागेको जनाइएको छ ।

चोटका कारण लेवान्डोवस्कीले बुधबार पनि मायोर्काविरुद्धको खेल गुमाउनु परेको थियो । यसैगरी, रक्षक अलेजान्द्रो बाल्डले पनि चोटका कारण यो खेल गुमाउने भएका छन् । 

बार्सिलोना र रियालबीचको फाइनल शनिबार सेभियामा हुँदैछ ।