सरकार र शिक्षक महासंघको वार्ता निष्कर्षविहीन

काठमाडौँ- सरकार र नेपाल शिक्षक महासंघबीचको वार्ता निष्कर्षविहीन भएको छ । शनिबार बिहान शिक्षा, विज्ञान तथा प्रविधि मन्त्रालयमा मन्त्री रघुजी पन्तको उपस्थितिमा बसेको वार्ता निष्कर्षविहीन भएको हो ।

नेपाल शिक्षक महासंघका अध्यक्ष लक्ष्मीकिशोर सुवेदीका अनुसार फेरि छलफल गर्नेगरी वार्ता सकिएको छ ।

'मन्त्रालयबाट भने शिक्षकका माग सम्बोधनबारे ठोस कुरा आइसकेको छैन' नेपाल विद्यालय कर्मचारी परिषद्का अध्यक्ष गंगाराम तिवारीले भने 'तर, वार्तालाई निरन्तरता दिने सहमति भएको छ ।'

आफुहरूले पेस गरेका माग मुद्दामा मन्त्रालयले यथेस्ट जानकारी गराएपछि मात्रै निकाश आउने उनले बताए ।