पोखरा थण्डर्सलाई हराउँदै एनएसएलको उपाधि ललितपुर सिटीलाई

काठमाडौँ- नेपाल सुपर लिग (एनएसएल) को उपाधि ललितपुर सिटीले हात पारेको छ । शनिबार साँझ दशरथ रंगशालमा भएको खेलमा पोखरा थण्डर्सलाई २-१ ले हराउँदै ललितपुरले उपाधि हात पारेको हो ।

ललितपुरको जितका लागि इमोह इजेकेल र पापा इबोउ केबेले गोल गरेका छन् । त्यस्तै पोखराका सुदिल राईले एक गोल फर्काए ।

विजेता ललितपुरले नगद ८० लाख प्राप्त गरेको छ भने उपविजेता पोखराले ३० लाख पाएको छ ।