सहकारी ठगी प्रकरण : फरार कांग्रेस सांसद राई पक्राउ

काठमाडौँ- नेपाली कांग्रेसकी सांसद माया राई पक्राउ परेकी छिन् । शनिबार साँझ राईलाई कपनस्थित आफ्नै घरबाट अपराध अनुसन्धानको कार्यालयले पक्राउ गरेको हो ।

सहकारी ठगी र संगठित अपराधको कसुरमा काठमाडौँ जिल्ला अदालतबाट पक्राउ पुर्जी जारी हुँदा पनि राई लामो समयदेखि फरार थिइन् ।

कालिमाटीस्थित स्वर्णलक्ष्मी बचत तथा ऋण सहकारी संस्थाको रकम अपचलनमा मुद्दा चलाउन उनीमाथि सिफारिस गरिएको थियो ।