नागरिक उन्मुक्ति र जनमत पार्टीको एकता घोषणा सभा स्थगित (भिडियोसहित)

काठमाडौँ- नागरिक उन्मुक्ति पार्टी र जनमत पार्टीबीचको एकता घोषणा सभा स्थगित भएको छ ।

नागरिक उन्मुक्तिका संरक्षक रेशम चौधरी पक्राउ परेपछि एकता सभा रोकिएको जनमत पार्टीका प्रवक्ता शरद सिंह यादवले जानकारी दिए ।

चौधरीलाई सादा पोशाकका प्रहरीले पक्राउ गरेको जानकारी पाएको उनले बताए । उहाले दुई पार्टीलाई एकता हुन नदिनका लागि चौधरीलाई पक्राउ गरिएको दुई पार्टीको निष्कर्ष रहेको जिकिर गरे । 

उनले अब दुई पार्टीका शीर्ष नेता बसेर आगामी कदमकाबारेमा आवश्यक निर्णय लिइने उल्लेख गर्नुभयो । चौधरीलाई पक्राउ गरेपछि नागरिक उन्मुक्ति पार्टी नेता कार्यकर्ताले नाराबाजी गरेका थिए ।