भाइरल पेस्तोल डान्सपछि बबी सिंहलाई प्रहरीले बोलायो

काठमाडौँ- जनता समाजवादी पार्टी नेपालकी केन्द्रीय सदस्य डा. बबी सिंहले पेस्तोल बोकेर नाचेको भिडियो भाइरल भएपछि प्रहरीले छानविन सुरू गरेको छ ।

सामाजिक सञ्जालमा भिडियो भाइरल भएपछि छानविनका लागि बोलाएको जिल्ला प्रहरी कार्यालय सप्तरीका एसपी ढकेन्द्र खतिवडाले बताए । 

उक्त भाइरल भिडियोमा सिंहसँगै अरू पनि मानिसहरू नाचिरहेको देखिन्छ । पेस्तोलबाट सिंहले एक राउण्ड ‘हवाई फायर’ गरेको धुवाँ उडेको दृश्य पनि देखिन्छ । 

तर सिंहले उक्त पेस्तोल 'खेलौना' भएको बताएकी छन् ।