मनसुनमा कसरी गर्ने छालाको स्याहार ?

काठमाडौँ  :  गर्मीबाट राहत पाउनको लागि हरकोही मनसुनको समय कुर्छौं । हपहपी गर्मी भएका बेला पानी परे पनि हुन्थ्यो भन्ने कामना पनि गर्छौं । यसरी हामीले चाहै झैं पानी पनि पर्ला र शितल पनि होला तर यसले थाहै नपाई समस्या पनि निम्त्याई रहेको हुन्छ ।  

उच्च तापमान र वायुमण्डलमा विद्यमान हुने जल वाष्प वा आद्रताले बेचैनी बढाउन सक्छ । साथै बिरामी बनाउन सक्छ । यो समय, छालाको लागि खराब पनि हुन सक्छ ।  चिल्ला छालालाई मात्रै नभई ड्राइ र अन्य सामान्य छाला भएकाहरूलाई पनि अनेक समस्या हुन सक्छन् । 

सामान्य हेरचाहले मात्र नहुन सक्छ । त्यसैले काया क्लिनिककी सल्लाहकार एवं छाला रोग विशेषज्ञ डा सोहम भट्टाचार्यका अनुसार वर्षाको समयमा पनि नियमित रूपमा छालाको ख्याल राख्नुपर्ने सुझाउँछिन् । उनले मनसुनको समयमा ख्याल गर्नुपर्ने केही कुरा इकागजसँग बाँडेकी छिन् ।

१. नियमित छालालाई क्लिन्जिङ, टोनिङ र मोस्चरराइज गर्ने 

मनसुनको मौसममा घरबाहिर जानु अघि या घरमै बस्दा नियमित रूपमा छालाको हेरचाहका लागि क्लिन्जिङ, टोनिङ र मोस्चरराइज गरिरहनुपर्छ । साबुन नभएको फेसवास वा क्लिन्जरले अनुहार सफा गर्न सकिन्छ । 

त्यस्तै रक्सी नभएको टोनरहरूको प्रयोग गर्न सकिन्छ । मनसुनको समयमा शुद्ध जैविक जोजोबा तेलयुक्त मोस्चरराइजर पनि प्रयोग गर्न सकिन्छ । 
क्लिन्जिङ र टोनिङपछि रातको समयमा भिटामिन सी युक्त सिरमको प्रयोग गर्नु राम्रो हुन्छ ।   

२. सनस्क्रिन प्रयोग गर्न नबिर्सनुहोला

गर्मी होस्, या जाडो, या मनसुन, हरेक मौसममा सनस्क्रिन प्रयोग गर्नुपर्छ । आफ्नो छालाको प्रकृतिअनुसार एसपीएफ १५ देखि ५० सम्मको सनस्क्रिन प्रयोग गर्न डाक्टरहरू पनि सल्लाह दिन्छन् । घाममा निस्कनुपर्दा मात्रै नभई घरभित्रै मोबाइल चलाउँदा होस् या ल्यापटप वा डेक्सटपमा काम गर्दा पनि सनस्क्रिन प्रयोग गर्नुपर्छ । प्रकाशको सम्पर्कमा आउने वा घर बाहिर निस्कनु २० मिनेटअघि सनस्क्रिन प्रयोग गर्नुपर्छ । 

३. आँखाको मुनीको क्षेत्रलाई हाइड्रेटेड राख्नुहोस् 

आँखाको मुनी क्षेत्रको छालाको सँधै विशेष ध्यान राख्नुपर्छ । राति यसलाई हाइड्रेटेड राख्दा राम्रो । यसलाई पर्याप्त पोषण युक्त बनाइरहन सिरमको प्रयोग गर्न सकिन्छ । उक्त सिरम ‘एक्टिभ सोया’ र ‘राइस पेप्टिडेस’ जस्ता पदार्थयुक्त भएमा झनै फाइदा पुग्छ । 

४. छाला र शरीर हाइड्रेटेड राख्नुहोस् 

आँखा मात्रै होइन, शरीर नै हाइड्रेटेड राख्नुपर्छ । गर्मी वा धुम्म परेको मौसममा शरीरबाट अत्याधिक पसिना आउने हुन्छ । त्यसैले शरीर र छालालाई हाइड्रेटेड राख्नुपर्छ । यसको लागि एन्टिअक्सिडेन्ट युक्त खानेकुराहरू, सलाद, फलफूल खान र भेजिटेबल जुसहरू पिउन सकिन्छ । साथै व्यायाम गर्दा पनि सहज हुने कटन वा लिनेनका कपडा युक्त पहिरन लगाउन सकिन्छ ।