प्रतिनिधिसभा बैठकमा नीति तथा कार्यक्रममाथि छलफल हुने

काठमाडौँ- प्रतिनिधिसभाको बैठक आज पनि बस्दैछ ।

संघीय संसद भवन, नयाँ बानेश्वरमा बिहान ११ बजेदेखि बैठक सुरू हुनेछ ।

आजको बैठकमा केपी ओली नेतृत्वको सरकार ल्याएको आर्थिक वर्ष २०८२/८३ को नीति तथा कार्यक्रममाथि छलफल हुनेछ । 

गत बैशाख २२ गतेदेखि निरन्तर सरकारको नीति तथा कार्यक्रममाथि छलफल चलिरहेको छ। गत बैशाख १९ गते राष्ट्रपति रामचन्द्र पौडेलले संघीय संसदको संयुक्त बैठकबाट नीति तथा कार्यक्रम सार्बजनिक गरेको पर्सी पल्टदेखि निरन्तर छलफल चलिरहेको हो ।