भारतमा हवाइ उडानमा रोक, शनिबारसम्म २९ विमानस्थल बन्द

काठमाडौँ- भारतको उत्तरी र पश्चिमी क्षेत्रका दुई दर्जन विमानस्थलमा पाकिस्तानसँगको तनाव बढ्दै गएपछि उडान बन्द गरिएको वाशिंगटन पोस्टले जनाएको छ।

हिजो राति एक विज्ञप्तिमार्फत भारतको नागरिक उड्डयन मन्त्रालयले २४ एयरपोर्टहरू अस्थायी रूपमा बन्द गरेको पुष्टि गर्‍यो। थप ५ गरी अब ८ राज्यकाे २९ विमानस्थल बन्द गरिएको छ ।

भारतका प्रमुख घरेलु एयरलाइन्सहरूले उत्तरी पञ्जाबको अमृतसर र पाकिस्तानको सिमानामा रहेको भारत नियन्त्रित कश्मीरको श्रीनगर लगायतका एयरपोर्टहरूबाट शनिबारसम्मका लागि उडानहरू बन्द रहने बताए।

इन्डिगो भारतको सबैभन्दा ठूलो घरेलु वाहकले बुधबार १६५ उडानहरू रद्द गरेको थियो भने जबकि एयर इन्डिया र एयर इन्डिया एक्सप्रेसले उस्तै संख्यामा उडान रद्द गरेका थिए । एयर इण्डियाले आफ्नो दुई अन्तर्राष्ट्रिय उडानहरू अमृतसरबाट लाहोर नजिकैबाट नयाँ दिल्लीतर्फ डाइभर्ट गरेको छ किनभने एयरपोर्ट अचानक बन्द भए पछि अवतरणमा समस्या भएको छ ।