फेकनको सदस्यमा निराजन सिवाकोटीको उम्मेदवारी, भन्छन्- सेवा गर्ने अवसर दिनेमा ढुक्क छु

काठमाडौँ- स्वतन्त्र शैक्षिक परामर्श संघ नेपाल (फेकन)को निर्वाचन शनिबार हुँदैछ । शनिबार हुने फेकनको निर्वाचनमा कार्यकारी सदस्य पदमा निराजन सिवाकोटीले उम्मेदवारी दिएका छन् । बिहीबार फेकनको कार्यकारी सदस्य पदमा सिवाकोटीले मनोनयन दर्ता गरेका छन् ।

मनोनयन दर्ता गरेसँगै सिवाकोटीले व्यावसायिक चुनौतीहरूको समाधानका लागि नीतिगत तहमा सक्रिय रहने प्रतिबद्धता व्यक्त गरेका छन् । 'सदस्यहरूको सहभागिता र सुझावलाई प्राथमिकता दिने, अन्तर्राष्ट्रिय शिक्षा बजारमा नेपाली कन्सल्टेन्सीहरूको पहुँच विस्तार गर्ने योजनामा छु' सिवाकोटीले भने ।

संस्थाको दिगो विकास र सदस्यहरूको सशक्तीकरणका लागि उम्मेदवारी दिएको उनको भनाई छ । 'नेतृत्वलाई पारदर्शिता, नैतिकता र सहकार्यमा आधारित राख्दै संस्थालाई थप मजबुत बनाउँछौँ' उनले भने 'विदेशी विद्यार्थीहरूलाई नेपालको शैक्षिक प्रणालीतर्फ आकर्षित गर्न एक्सचेन्ज प्रोग्राममार्फत विदेशी विश्वविद्यालयहरूसँग सहकार्य गर्ने र नेपालमा अध्ययनका अवसरहरू सिर्जना गर्ने दीर्घकालीन उद्देश्य छ ।'

लामो समयदेखि शैक्षिक परामर्श व्यवसायमा क्रियाशील उनले निर्वाचनमा आफूलाई जिताएर सेवा गर्ने अवसर दिनेमा ढुक्क रहेको बताए ।