मस्को परेडपछि पुटिनले भेटे उत्तरी कोरियाली सैनिक, दिए धन्यवाद

मस्को- रूसका राष्ट्रपति भ्लादिमर पुटिनले रेड स्क्वायर परेडपछि उत्तर कोरियाली सैन्य अधिकारीहरूसँग कुराकानी गरेका छन् ।

मस्कोमा ८० औं विजय दिवसको परेड पछि रूसी राष्ट्रपति भ्लादिमिर पुटिनले रेड स्क्वायरमा कोरियाली जन सेनाका कमाण्डरहरूसँग केही वाक्यांशहरू आदानप्रदान गरेको रूसी समाचार एजेन्सी तासले जनाएको छ ।

पुटिनले देशको सशस्त्र सेनाको सहयोगको लागि हार्दिक कृतज्ञता व्यक्त गर्दै उनीहरुसँग हात मिलाएर अँगालो हालेका थिए । सो भेटका क्रममा उत्तर कोरियाली राजदूत पनि उपस्थित रहेका थिए ।

‘सबै लडाकुहरूको स्वास्थ्य छन्’, पुटिनले उत्तर कोरियाली जनरलहरूसँग कुरा गर्दै भने, ‘तपाई र तपाईका सबै सेनाहरू सबै भन्दा राम्रो र परिपक्व रहेका छन् ।’ उनले साे क्रममा सहयोगका लागि धन्यबादसमेत ब्यक्त गरेका थिए ।

गत अप्रिल २६ मा रुसी सशस्त्र बलका जनरल स्टाफका प्रमुख भ्यालेरी गेरासिमोभले युक्रेनी सेनाबाट रुसको कुर्स्क क्षेत्रलाई मुक्त गराउन उत्तर कोरियाका सैनिकहरूले खेलेको भूमिकाको प्रशंसा गरेका थिए ।