रिषभ पन्तलाई कोभिड-१९ संक्रमण पुष्टि

काठमाडौँ : महेन्द्र सिंह धोनीले सन्यास लिएपछि भारतीय क्रिकेट टिमका पहिलो रोजाईका विकेटकिपर रिषभ पन्तलाई कोभिड-१९ संक्रमण पुष्टि भएको छ । इंगल्यान्ड भ्रमणमा रहेको भारतीय टिमका पन्तलाई कोभिड संक्रमण पुष्टि भएको इएसपीएनक्रिकइन्फो डटकमले जनाएको छ ।

उनी पछिल्लो आठ दिनदेखि आइसोलेशनमा छन् । पन्तलाई कोभिड संक्रमण भएसँगै एक जना भारतीय स्टाफलाई पनि संक्रमण पुष्टि भएको छ । पन्तलाई होटलमा राखिएको छ । अर्को महिना इंगल्यान्डसँग हुने क्रिकेट सिरिजमा पन्त सहभागि हुन मुश्किल रहेको भारतीय सञ्चारमाध्यमले जनाएको छ । 

पन्तलाई कोभिड संक्रमण पुष्टि भएपछि अर्का विकेटकिपर रिद्धिमान शाह, बलिङ कोच लगायत भारतीय टिमका केही सदस्य क्वारेन्टाइन बसेको पनि बताइएको छ ।