रियल म्याड्रिडको संघर्षपुर्ण जित

काठमाडौँ- स्पेनिस ला लिगा अन्तर्गत रियल म्याड्रिडले मल्लोर्काविरुद्ध संघर्षपूर्ण जित हासिल गरेको छ ।

गएराति भएको खेलमा रियल म्याड्रिडले मल्लोर्काविरुद्ध २–१ गोल अन्तरले विजयी भएको हो ।

रियल म्याड्रिडको जितमा किलीयन एम्बाप्पे र ज्याकोब रामोनले एक एक गोल गरेका थिए । रामोनले खेलको इन्जुरी समयमा गोल गर्दै रियल म्याड्रिडलाई जित दिलाएका थिए ।

त्यस्तै मल्लोर्काका लागि मार्टिन भलजेन्टले एक गोल फर्काएका थिए ।

जितसँगै रियल म्याड्रिडको ३६ खेलमा ७८ अंक रहेको छ र दोस्रो स्थानमा रहेको छ ।

शीर्ष स्थानमा रहेको बार्सिलोनाको ३५ खेलमा ८२ अंक रहेको छ र रियल म्याड्रिडभन्दा ४ अंकले अगाडि रहेको छ ।

त्यस्तै मल्लोर्काको ३६ खेलमा ४७ अंक रहेको छ र लिगमा नवौं स्थानमा रहेको छ ।