क्याम्पिङ क्षेत्रको सरसफाइ गरी काठमाडौँ फर्कियो स्पार्क कारको स्वयंसेवक टोली

काठमाडौँ- स्पार्क कारले आयोजना गरेको स्पार्क एड्भेञ्चरको क्याम्पिङ क्षेत्र पत्ताले, गौरीटाप र रुम्झाटारको कन्सर्ट स्थल सरसफाइ गरी काठमाडौँ फर्किएको छ ।

सरसफाइका लागि खटिएको स्वयंसेवक टोलीले गौरी टापमा टेन्ट क्याम्पिङ उठाएपछि वरपरको क्षेत्र सरसफाइ गरेको कार्यक्रम सम्योजक अमरदीप भट्टराईले जानकारी दिए । वातावरण संरक्षणका साथै कुनै पनि हानी नहोस भन्ने उद्देश्यले फोहोर उठाइ व्यवस्थापन गरिएको हो । 

तीन हजार मिटर उचाइमा रहेको पत्ताले, गौरीटाप विभिन्न गुराँसको जंगल, सगरमाथालगायतका अग्ला हिमालहरुको अनुपम अवलोकन एवं सुर्योदय सुर्यास्तलगयत धार्मिक हिसाबले समेत पर्यटकीय महत्वको गन्तव्य हो ।

काठमाडौँबाट ५० भन्दा बढी विद्युतीय सवारीमा यहीँ आइपुगेका पुगेका दुई सयभन्दा बढी पाहुना गौरीटापको क्याम्पिङ बसाइपछि रुम्झाटारमा होमस्टेको आतिथ्य र दर्जन कलाकारको कन्सर्टमा झुमेका थिए । ग्रीन मोबिलिटी प्रवर्द्धन गरिरहेको स्पार्क कारले दिगोपनामा पनि उत्तिकै जोड दिएको छ । 

प्रचुर पर्यटकीय सम्भावना हुँदा पनि प्रचारप्रसारको अभावमा ओझेरमा परेका पर्यटकीय गन्तव्य विकास गर्ने उद्देश्यले स्पार्क कारले स्पार्क एड्भेञ्चर आयोजना गर्दै आएको छ । कम्पनीलो पहिलो संस्करणमा लमजुङको भुजुङ र दोस्रो संस्करण दोलखाको शैलुङमा सम्पन्न गरिसकेको छ ।