स्याउ बोकेको कन्टेनरमा केरुङबाट ल्याइँदै थियो ७ किलो ६५३ ग्राम सुन !

रसुवा- रसुवा प्रहरीले बरामद गरेको सुन सात किलो ६५३ ग्राम रहेको खुलेको छ । बा ४ ख ६२०१ नम्बरको गाडी केरुङबाट काठमाडौं आउँदै गर्दा आइतबार दिउँसो साढे १ बजे प्रहरीले सुन बरामद गरेको हो ।

सुनको तैल सात किलो ६५३ ग्राम रहेको र चीनको केरुङबाट नेपालमा आउँदै गरेको थियो ।  स्याउ बोकेको कन्टेनरबाट उक्त परिमाणको सुन बरामद गरिएको जिल्ला प्रहरी कार्यालय रसुवाले जनाएको छ ।

प्रहरीले चालकलाई नियन्त्रणमा लिएका छ । पक्राउ पर्नेमा रसुवाको गोसाइँकुण्ड गाउँपालिका-५ का २४ वर्षीय किशोर भुजेल रहेका छन्। थप अनुसन्धान भइरहेको रसुवा प्रहरीले जनाएको छ ।