राप्रपाले राजसंस्था पुनःस्थापना गर्न आन्दोलन गरिरहने

राजसंस्था पुनस्र्थापनाको लागि गठित संयुक्त जनआन्दोलन परिचालन समितिले आन्दोलनलाई निरन्तरता दिएको छ । राजसंस्था र हिन्दू राज्य पुनस्र्थापनाको माग राख्दै राजावादीहरुले शुक्रबार काठमाडौंको माइतिघरमा प्रदर्शन गरेका हुन् । प्रदर्शनमा सहभागीहरुले संघीयता खारेज गर, गणतन्त्र खारेज गर, हिन्दुराष्ट्र कायम गर लगाएतका नारा लगाएका थिए ।

राजा र जनताबीचको एकतालाई फेरि जोड्ने र सनातन धर्म संस्कृति र परम्परामा आधारित नेपालको मौलिक पहिचानको रक्षा गर्ने आफुहरुको संयुक्त प्रयास भएको समितिले जनाएको छ । प्रदर्शनका क्रममा राप्रपा नेता ज्ञानेन्द्र शाहीले अहिलेको व्यवस्थाका कारण मुलुकमा भ्रष्टाचार व्याप्त भएकाले राजसंस्था र हिन्दू राज्यसहितको नयाँ व्यवस्था कायम हुनुपर्ने बताए ।

उहाले मुलुकमा राष्ट्रपति नभइ अभिभावकीय संस्थाका रुपमा राजा चाहिने बताउनुभयो । राजसंस्था पुनस्र्थापनाको लागि आफुहरुको आन्दोलन निरन्तर रहने समितिले जनाएको छ । आन्दोलनका क्रममा शनिबार दरवारमार्ग क्षेत्रमा प्रदर्शन गर्ने राजावादीहरुले जनाएका छन् ।