६० किलो सुन तस्करी प्रकरण : अमला रोकालाई धरौटीमा छाड्‌न आदेश

काठमाडौँ- ६० किलो सुन तस्करी प्रकरणमा पक्राउ परेकी अमला रोकालाई काठमाडौँ जिल्ला अदालतले धरौटीमा छाड्न आदेश गरेको छ । 

सोमबार थुनछेक बहसपछि न्यायाधीश बलराम लम्सालको इजलासले रोकालाई २ लाख रुपैयाँ धरौटीमा छाड्न आदेश गरेको हो ।

तिब्बती मूलका बेल्जियन नागरिक दावा छिरिङकी पत्नी हुन् । २०८० साउन २ गते त्रिभुवन अन्तर्राष्ट्रिय विमानस्थलबाट भन्सार राजश्व जाँच पास गरेर बाहिरिएको ६१ केजी अवैध सुन तस्करीको मुद्दामा अनुसन्धान सुरु भएपछि फरार रहेकी उनी विरुद्ध इन्टरपोलमार्फत डिफ्युजन नोटिससमेत जारी गरेको थियो ।

काठमाडौँको ठमेलस्थित होटेल भियनाकी सञ्चालकसमेत रहेकी रोका माओवादी केन्द्र निकट रोल्पा-काठमाडौँ सम्पर्क मञ्चको पनि पूर्वउपाध्यक्ष हुन् ।