सन्दीप क्षेत्री 'फेस अफ रोयल इनफिल्ड' नियुक्त

काठमाडौँ- अल्फा अटोमोटिभ प्रा.लि. नेपालका बहुप्रतिभाशाली हास्यब्यङ्ग्य कलाकार, सामाजिक व्यक्तित्व एवं उत्प्रेरक सन्दीप क्षेत्रीलाई फेस अफ रोयल इनफिल्डका रुपमा नियुक्त गरेको छ ।

क्षेत्री विगत दुई दशकदेखि नेपाली कला, मनोरञ्जन र सामाजिक क्षेत्रका माध्यमबाट जनमानसको मन जित्न सफल एक सशक्त व्यक्तित्व हुन् । उनको जीवनशैली, दृष्टिकोण र कार्यशैलीले स्वतन्त्रता, साहसिकता तथा आत्मविश्वासजस्ता गुणहरू अभिव्यक्त गर्छन् । उनको सादगीपूर्ण व्यक्तित्व, व्यापक लोकप्रियता तथा मोटरसाइकलप्रतिको गहिरो रुचिले उनलाई यस महत्वपूर्ण भूमिकाको लागि सर्वथा उपयुक्त बनाएको छ ।

रोयल इनफिल्ड नेपाल यस सहकार्यलाई केवल व्यवसायिक साझेदारीको रूपमा नभई, एक साझा मूल्य र दृष्टिकोणमा आधारित यात्राको प्रारम्भको रूपमा हेर्दछ, जसले नेपाली मोटरसाइकल संस्कृतिमा नवीन आयाम थप्ने विश्वास लिएको छ , यस प्रयासबाट Royal Enfield मार्फत आन्तरिक पर्यटन प्रवद्र्धन, सडक सुरक्षा, ट्राफिक नियम पालना सहितको सन्देश एवं कर्तव्य पालना गरिनेछ । हाम्रो सहकार्यबाट समाजका हरेक वर्गसमूदायसँग पुग्ने छौं भने युवा पुस्तामाझ अझ प्रगाढ सम्बन्ध गास्न सकिने अपेक्षा राख्ने जनाएको छ ।

क्षेत्रीमार्फत रोयल इनफिल्डको परम्परा, शैली र भावना, आम नेपाली जनसमूदाय सम्म थप प्रभावकारी ढंगले प्रवाह हुनेछ भन्ने अपेक्षा गरिएको छ । मोटरसाइकललाई केवल यातायातको साधन मात्र नभई आत्म–अभिव्यक्तिको माध्यमको रूपमा प्रस्तुत गर्ने हाम्रो दृष्टिकोण यस सहकार्यद्वारा अझ स्पष्ट र सशक्त रूपमा उजागर हुनेछ ।