कलाकार झाकी श्रीमती सदा घरमै मृत फेला

सिरहा- मधेसको चर्चित कलाकार अभिनास झा उर्फ कलकतियाबालीकी श्रीमती अँसा सदा आफ्नै घरमा मृत अवस्थामा फेला परेकी छिन्।

जनकपुरधाम उपमहानगरपालिका वडा नं. १२ र २० को बीचमा रहेको नोचा पोखरी नजिकै रहेको आफ्नै घरमा सोमबार राति अँसा सदा मृत अवस्थामा फेला परेकी हुन् ।

गत माघ महिनामा अन्तरजातीय विवाह गरेका अभिनास झाले गृह प्रवेश पनि गरेका थिए । पूजाआजा गर्दै गृह प्रवेश गरेका दुवै जोडी समाजमा खुसी देखिएका थिए । 

जिल्ला प्रहरी कार्यालय धनुषाका अनुसार, यो घटना सोमबार रातीकै रहेको पुष्टि गरेको छ । अँसा सदाको माइती पक्ष नआएको कारण अगाडिको प्रक्रिया गर्न नसेकेको प्रहरी प्रवक्ता बरुण बहादुर सिंहले जानकारी दिए । 

जनकपुरधाम उपमहानगरपालिका वडा नं. १२ र २० को बीचमा रहेको नोचा पोखरी नजिकैको नोचपुरस्थित सुटिङस्थलमा बिहानैदेखि भिड लागेको छ । अन्तरजातीय विवाह गरेर चर्चामा आएका कलाकार अभिनास झा यसबारे जानकारी दिन सक्ने अवस्थामा छन् ।

कलाकार अविनास झा र अँसा सदाबीच करिब १०/११ दिनदेखि तनाव चल्दै आएको एक छिमेकीले बताए ।

अहिले प्रहरीले मुचुल्का प्रक्रिया अगाडि बढाएको छ ।

माइती पक्ष आएपछि पोष्टमार्टमको प्रक्रिया अगाडि बढ्‌ने प्रहरीले जनाइएको छ । यसबारे अनुसन्धान तीव्र बनाइएको छ ।