इरानमाथि इजरायलको हमला : उत्तरी इरानमा नौ जनाको मृत्यु, ३३ जना घाइते

काठमाडौँ- पछिल्लो पटक इजरायलले उत्तरी इरानमा गरेको हवाई आक्रमणमा कम्तिमा नौ जनाको मृत्यु भएको छ । त्यस्तै चार घरहरू ध्वस्त भएको स्थानीय अधिकारीहरूले बताएका छन् ।

गिलानको गभर्नरको कार्यालयले अस्तानेह-ये अशरफियाह शहरमा भएको हवाई आक्रमणमा ३३ जना घाइते भएको बताएको छ ।

गिलानका उपगभर्नरले मारिएका वा घाइते भएका १६ जना महिला र बालबालिका रहेको बताएका छन् ।

केही मिडिया आउटलेटहरूले रिपोर्ट गरिरहेका छन् कि एक आणविक वैज्ञानिक मोहम्मद रेजा सेद्दीकी पनि मृत्यु बीबीसीले उदृत गर्दै समाचार लेखेको छ ।