अष्ट्रेलियाको आर्बन नेपाली समुदाय र आर्वन प्रहरी एरिया कमान्डबीच सुरक्षा सहकार्य गर्न छलफल सम्पन्न

अष्ट्रेलियाको आबर्नमा नेपाली समुदाय र आर्वन प्रहरी एरिया कमान्डबीच सुरक्षा र सहकार्यका विषयमा सकारात्मक संवाद सम्पन्न भएको छ। बैठकमा घरेलु हिंसा, व्यवसायजन्य अपराध, सामुदायिक सुरक्षाजस्ता मुद्दामा गम्भीर छलफल भएको थियो । बैठकमा दुबै पक्षले सहकार्य गर्दै समाधानतर्फ अघि बढ्ने प्रतिबद्धता जनाएका छन्।

ओबर्न नेपाली कम्युनिटीका अध्यक्ष अरुण श्रेष्ठका अनुसार, बैठक निकै फलदायी रह्यो भने प्रहरी कमाण्डर रोबर्ट र सामुदायिक लिङ्क अफिसर मुनको सक्रिय सहभागिताले संवाद प्रभावकारी बनाएको जानकारी दिए ।

प्रहरीले “समय पर्दा समुदायको साथमा प्रहरी सधैं रहने” आश्वासन दिँदै नेपाली समुदायलाई सुरक्षित वातावरणको भरोसा दिलाएको थियो। नेपाली समुदायका प्रतिनिधिहरूले खुला रूपमा आफ्ना अनुभव र सुझाव राखेका थिए, जसलाई प्रहरीले गम्भीरतापूर्वक लिँदै भविष्यमा अझ मजबुत सहकार्य गर्न प्रतिबद्धता जनाएको छ।