अराजनैतिक भद्दा नाटकको एउटा खण्ड पटाक्षेप भयो : पोखरेल

फाइल तस्बिर

काठमाडौँ- नेकपा एमालेका नेता तथा सांसद ईश्‍वर पोखरेलले अराजनैतिक/अनैतिक भद्दा नाटकको एउटा खण्ड पटाक्षेप भएको बताएका छन् । सामाजिक सञ्‍जालमा लेख्दै उनले यस्तो बताएका हुन् ।

'केही पात्रहरूद्वारा केही समयदेखि जारी अराजनैतिक/अनैतिक भद्दा नाटकको एउटा खण्ड पटाक्षेप भएको छ' पोखरेलले लेखेका छन् 'कलाकारका रूपमा बाहिर देखापरेका खलनायक र विदूषकबारे भ्रममा नपरौं ! सबैले राम्ररी चिनौं !'

केही पात्रहरूद्वारा केही समयदेखि जारी अराजनैतिक/अनैतिक भद्दा नाटकको एउटा खण्ड पटाक्षेप भएकोछ । कलाकारका रूपमा बाहिर देखापरेका खलनायक र विदूषक बारे भ्रममा नपरौं ! सबैले राम्ररी चिनौं!

— Ishwar Pokhrel (@IshwarPokhrel) July 18, 2021

त्यस्तै नेकपा एमालेका नेता तथा सांसद घनश्‍याम भुसालले यथास्थितिमा कोहि पनि सुरक्षित नरहेको बताएका छन् । 'संसद जोगाउनु पर्थ्यो, जोगिएको छ । अब पार्टी जोगाउनु पर्नेछ, जोगाइने छ । हामी ठूलो दुर्घटनामा परेका छौँ । यथास्थितिमा कोहि पनि सुरक्षित छैनौँ' भुसालले लेखेका छन् 'हामी उठ्छौं, धुलो टक्टक्याउँछौं र अगाडि बढ्छौं ।'

एमालेमा माधवकुमार नेपाल समूह र अध्यक्ष केपी शर्मा ओली समूहका गरी २२ सांसदले आइतबार प्रधानमन्त्री शेरबहादुर देउवालाई विश्वासको मत दिएका थिए । तर नेपाल निकट भएर पनि भुसालले भने विश्‍वासको दिएनन् ।