सेयर बजारमा निरन्तर वृद्धि

काठमाडौँ : आइतबार ठूलो अंकले बढेको सेयर बजार मापक नेप्से परिसूचक सोमबार पनि बढेको छ । नयाँ प्रधानमन्त्रीले विश्वासको मत लिएपछि बजारमा तिव्र वृद्धि भइरहेको छ । 

१३.८० अंकले बढेर नेप्से परिसूचक २९९४.४२ बिन्दुमा पुगेको छ । सिनर्जी पावर डेभलपमेन्ट कम्पनीको सेयर मूल्य बढेर सर्किट ब्रेकर लागेको छ । बिशाल बजार कम्पनीको सेयर मूल्यमा ९ प्रतिशतभन्दा बढी दरमा वृद्धि भएको छ । 

कारोबारमा आएकामध्ये पाँच समूहका परिसूचक कमजोर छन् । विशाल बजाल कम्पनीको सेयर मूल्यमा भएको उच्च वृद्धिले व्यापार समूहको परिसूचकलाई पाँच प्रतिशतभन्दा बढी दरमा उचालेको छ । 

एक लाख सात हजार सात सय ९७ पटकको कारोबारमा तीन करोड ७५ लाख ७१ हजार तीन सय ५४ कित्ता सेयर किनबेच भएको छ । कुल सेयर कारोबार ११ अर्ब ८१ करोड रुपैयाँ छ । सबैभन्दा बढी कारोबार एनआइशी एसिया बैंकको छ ।