मन्त्रि भण्डारीद्दारा फरक क्षमताका युवालाई रोजगार दिने ईप्सा नेपालको अवलोकन

काठमाडौं- उद्योग, वाणिज्य तथा आपूर्ति मन्त्री दामोदर भण्डारीले आज तारकेश्वर नगरपालिका–४ स्थित इप्सा नेपाल को स्थलगत अवलोकन गरेका छन् । फरक क्षमता (अपाङ्गता) भएका युवाहरूलाई रोजगारी प्रदान गर्दै आएको यो कम्पनी ४५ जिल्लाका ६० जनाभन्दा बढी युवाहरूको आशाको केन्द्र बनेको छ ।

इप्सा नेपालमा कार्यरत युवाहरू हाते होजीयारी, गलैचा उत्पादन, साना हस्तकलाका सामग्री निर्माणजस्ता काममा संलग्न छन् । संस्थाकी सञ्चालक संगीता पन्तका अनुसार, “यहाँ अपाङ्गता भएका व्यक्तिहरूका लागि अनुकूल प्राविधिक कामहरू विकास गरिएको छ जसले उनीहरूको आत्मनिर्भरता र आत्मविश्वास बढाएको छ ।”

मन्त्री भण्डारीले इप्साको कार्यप्रणालीबाट प्रभावित हुँदै यस्ता समावेशी र सृजनशील उद्यमलाई सरकारबाट आवश्यक सहुलियत र सहयोग उपलब्ध गराउने प्रतिबद्धता जनाए । उनले भने, “अपाङ्गता भएका उद्यमीहरू हाम्रो समाजको गौरव हुन् । यिनीहरूलाई आत्मनिर्भर बनाउन सकियो भने, समावेशी समृद्धिको सपना साकार हुन्छ ।”

अपाङ्गता भएका उद्यमीहरुले उदाहरणीय काम गरेर अरु युवालाई समेत प्रेरणा प्रदान गरेको उनको भनाई छ । इप्सा नेपालले देखाएको मार्गदर्शन अरू सामाजिक उद्यमहरूका लागि पनि उदाहरणीय बन्ने विश्वास गरिएको छ ।