शाहरूख खानले पाए २ लाखको पुरस्कार

मुम्बई- भारतको ७१औँ राष्ट्रिय चलचित्र पुरस्कारको घोषणा भएको छ ।

यसपटक धेरै नामले चकित भए पनि सबैभन्दा ठूलो आश्चर्य शाहरुख खानको नामको घोषणाले थियो । उनलाई विक्रान्त मेसी ‘१२ औं फेल’ सँगसँगै फिल्म जवानका लागि उत्कृष्ट अभिनेताको अवार्ड दिइएको छ ।

तीन दशकभन्दा बढीको अभिनय करियरमा यो उनको पहिलो राष्ट्रिय पुरस्कार हो। शाहरुखको नाम घोषणा हुनेबित्तिकै उनलाई देशबाट मात्रै नभई विश्वभरबाट बधाई आएको छ । चारैतिरबाट प्रशंसा र बधाई पाइने यो अवार्डका सबै विजेताले अवार्डसँगै पुरस्कार राशि पनि पाउँछन् ? यो प्रश्न धेरैको मनमा उठ्छ। हामी तपाईंलाई जवाफ दिनेछौं ।

वास्तवमा, राष्ट्रिय पुरस्कार जित्नु कुनै पनि पुरस्कार रकम भन्दा ठूलो कुरा मानिन्छ। तैपनि भारत सरकारले कलाकार र फिल्म निर्माताहरूलाई पुरस्कारको साथमा केही नगद रकम पनि दिने चलन छ। सबैभन्दा धेरै रकम दादासाहेब फाल्के अवार्डका विजेतालाई दिइन्छ । यो सम्मान प्राप्त गर्ने व्यक्तिलाई पदक, सर्टिफिकेट बाहेक १५ लाख रुपैयाँ पाउँछन् । 

यसपछि स्वर्ण कमल अर्थात गोल्डेन कमल आउँछ, जसको विजेतालाई ३ लाख रुपैयाँ नगद दिइन्छ । सिल्वर लोटस तेस्रो स्थानमा छ। यसका बिजेताहरुलाई २ लाख नगद प्रदान गरिन्छ ।

शाहरुख खान, विक्रान्त मेसी र रानी मुखर्जी जस्ता स्टारलाई रजत कमल अवार्ड दिइनेछ । अर्थात् मेडल र प्रमाणपत्र बाहेक २ लाख रुपैयाँ नगद दिइने छ । रजत कमल सर्वश्रेष्ठ अभिनेता, सर्वश्रेष्ठ अभिनेत्री, सर्वश्रेष्ठ सह अभिनेत्री, सर्वश्रेष्ठ सहायक अभिनेता, उत्कृष्ट पार्श्व गायक पुरुष र उत्कृष्ट पार्श्व गायक महिला जस्ता विधाका विजेताहरूलाई पुरस्कृत गरियो। जसमा २ लाख रुपैयाँ नगद दिइएको छ ।

सर्वोत्कृष्ट निर्देशक, सर्वोत्कृष्ट फिचर चलचित्र, सर्वोत्कृष्ट लोकप्रिय मनोरञ्जन चलचित्र र उत्कृष्ट बाल चलचित्र जस्ता विधाका विजेताहरुलाई स्वर्ण कमल अवार्डबाट सम्मानित गरिएको छ । अवार्डसँगै उनलाई तीन लाख रुपैयाँ पुरस्कार प्रदान गरिएको छ ।