काठमाडौँमा नाडा अटो शो २०२५ भाद्र ३ गतेदेखि सुरू

नाडा अटोमोबाइल एसोसिएसन अफ नेपालको आयोजनामा भाद्र ३ गतेदेखि काठमाडौँमा नाडा अटो शो २०२५ आयोजना हुने भएको छ । नाडाले मंगलबार काठमाडौँमा पत्रकार सम्मेलन गर्दै भाद्र ३ गतेदेखि ८ गतेसम्म काठमाडौँको भृकुटिमण्डपमा नाडा अटो शो आयोजना गरिएको जनाएको हो ।

प्रदर्शनीमा १९ वटा चार पाङ्ग्रे ब्रान्डहरू, ४ वटा दुई पाङ्ग्रे ब्रान्डहरु, १३ हल्का व्यावसायिक सवारी साधन ब्रान्डहरू प्रदर्शन गरिने आयोजकले जनाएको छ । त्यस्तै लुब्रिकेन्ट, टायर, ब्याट्री, ग्यारेज उपकरणहरुको प्रदर्शनी हुने नाडा अटोमोबाइल एसोसिएसन अफ नेपालका अध्यक्ष करण चौधरीले जानकारी दिए ।

नाडा अटो शो केवल प्रदर्शनी मात्र नभई नेपालको दिगो, स्मार्ट र भविष्यमुखी मोबिलिटीको प्रतिबिम्ब रहेको उनले बताए । यस वर्षको नाडा अटो शो ले नवीनतम प्रविधि, ग्राहक संलग्नता र अटो क्षेत्रको वर्तमान अवस्थालाई एकै छानामुनि ल्याउने उल्लेख गरे । 

नाडा अटो शोको १ लाख बढीले अवलोकन गर्ने आयोजकको अपेक्षा रहेको छ ।