अष्ट्रेलियाविरुध्दको एकदिवसीयमा भारतको सान्त्वना जीत

काठमाडौँ : अष्ट्रेलियाविरुध्द भएको अन्तिम एकदिवसीय खेलमा भारतले सान्त्वना जीत निकालेको छ । तेस्रो तथा अन्तिम एकदिवसीय खेल भारतले १३ रनले जित्यो । सिरिज भारतले दुई एकले गुमाएको छ ।

कानबेरा क्रिकेट मैदानमा टस जितेर पहिले ब्याटिङ गरेको भारतले ५० ओभरमा पाँच विकेट गुमाएर तीन सय दुई रन बनायो । भारतका लागि कप्तान विराट कोहलीले ६३, हार्दिक पाण्ड्या र रविन्द्र जडेजाले क्रमसः ९२ र ६६ रन बनाए । हार्दिकले ९२ रन बनाउन ७६ बलमा सात चौका र एक छक्का प्रहार गरे । जडेजाले ५० बलमा पाँच चौका र तीन छक्का प्रहार गरे ।

राम्रो सुरुवात गर्न नसकेको भारतका ओपनर शिखर धवन १६ रनमा र शुंभव गिलले ३३ रन बनाए । त्यसपछि क्रिजमा आएका श्रेयस ऐयर १९ र लोकेश राहुल मात्र पाँच रनमा फर्किए । 

जवाफमा अष्ट्रेलियाले ४९ ओभर तीन बलमा सबै विकेट गुमाउँदै २ सय ८९ रन बनायो । अष्ट्रेलियाका लागि कप्तान आरोन फिन्‍चले ७५ रन बनाए । मोइसेस हेनरिकले २२ केमरुन ग्रिनले २१ रन र एलेक्स कारेले ३८ रन बनाए । ग्लेन म्याक्सवेलले ५९ रन र एस्टोन अगरले २८ रन थपे ।