आज प्रतिनिधिसभा बैठक बस्‍दै, यस्तो छ सम्भावित कार्यसूची

काठमाडौँ- पुनःस्थापित प्रतिनिधि सभाको आजको बैठकको कार्यसूची सार्वजनिक भएको छ । आज दिउँसो १ बजे बस्‍ने बैठकमा नवनियुक्त प्रधानमन्त्रीलाई दलका नेताहरूले बधाई तथा शुभकामना दिने कार्यसूची रहेको छ ।  

त्यस्तै प्रधानमन्त्री शेरबहादुर देउवाले महालेखा परीक्षकको ५७ औँ वार्षिक प्रतिवेदन २०७७ पेश गर्ने कार्यसूचीमा उल्लेख छ ।

त्यस्तै राज्य व्यवस्था तथा सुशासन समितिकी सभापति शशी श्रेष्ठले कारागार विधेयक सम्‍बन्धी समितिको प्रतिवेदन २०७८ पेश गर्ने कार्यसूची छ ।