'स्मिथविरुद्ध खेल्दा भाग्यले साथ दियो'

काठमाडौं : अस्ट्रेलिया भ्रमणमा रहेको भारतीय क्रिकेट टिमले घरेलु टोलीविरुद्धको एक दिवशिय अन्तराष्ट्रिय श्रृङखलाको अन्तिम खेलमा जित हात पार्‍यो । श्रृङखलाको अघिल्ला दुई खेल गुमाएको भारतका लागि बुधबारको जितमा शार्दुल ठाकुरले प्रभावशाली प्रदर्शन गरे ।

अघिल्लो दुई खेलमा मौका नपाएका ठाकुरले क्यानबेरामा भएको खेलमा ५१ रन खर्चेर तीन विकेट लिए । मोहम्मद शामीको स्थानमा आएका ठाकुरले स्टिभ स्मिथलाई सात रनमै आउट गरे । स्मिथ कम रनमा समेटिनुले भारतलाई खेलमा पकड जमाउन सहज भएको थियो । उत्कृष्ट लयमा रहेका स्मिथलाई आउट गरेका ठाकुरको प्रदर्शनका बारेमा सर्वत्र प्रशंसा भइरहेको छ । वास्तवमा ठाकुरले शामी र जसप्रित बुमराहले गर्न नसकेको काम गरेर देखाए ।

खेलपछि पत्रकारहरुसँग कुरा गर्दै ठाकुरले स्मिथकाविरुद्ध बलिङ गर्दा आफुलाई भाग्यले साथ दिएको बताए । ‘स्मिथलाई धेरै रन बनाउन नदिने हाम्रो योजना थियो । मैले उनलाई आउट गरे । सायद भाग्यले पनि साथ दियो,’  ठाकुरले भने, ‘उनी अस्ट्रेलियाका लागि महत्वपूर्ण खेलाडी हुन् । त्यसकारण पनि उनलाई आउट गर्दा हाम्रो टिमको मनोबल उच्च भयो ।’

डेभिड वारनरको अनुपस्थितीले पनि भारतीय टिमलाई सहज भएको ठाकुरको स्विारोक्ति थियो । उनी नहुँदा हामीलाई सजिलो भएकै हो । अब यो जितले हामीलाई टि ट्वान्टी श्रृङखलामा राम्रो गर्ने प्रेरित गर्नेछ । ठाकुर आफै चाहिँ भारतको टि ट्वान्टी खेल्ने टिममा छैनन् । एक दिवशियमा पनि अरु खेलाडी घाइते हुँदा मात्र उनले मौका पाउँछन् । तर ठाकुरमा मौका पाउँदा राम्रो गर्नुपर्छ भन्‍ने मानसिकता छ ।

‘टिम छनौटमा खेलाडीको केही भुमिका हुँदैन । त्यसकारण, मैले जहिले मौका पाउँछु त्यतिबेला राम्रो गर्ने प्रयास गर्नेछु । तर म कहिले मौका पाउँछु भनेर सोच्दिन । म हरेक दिन अभ्यासमा राम्रो गर्ने प्रयास गर्छु ता कि आफलाई तयारी अवस्थामा राख्‍न सकु,’ ठाकुरले भने । (टेलिग्राफ इन्डियाबाट)