महाराजगञ्जमा हेल्मेट नलगाएपछि प्रहरीसँग पारस शाहको लफडा

फाइल फोटो

काठमाडौँ : महाराजगञ्जको नारायणगोपाल चोकमा पूर्वयुवराज पारस शाह र प्रहरीबीच घम्साघम्सी भएको छ । हेल्मेट नलगाई मोटरसाइकलमा सवार रहेका शाहलाई प्रहरीले पक्राउ गरेर हेल्मेट नलगाउनुको कारणबारे सोधपुछ गरेको थियो ।

तर प्रहरीले एकपटक सम्झाएर जानुस भन्दा पनि नगएपछि प्रहरीसँग धकेलाधकेल गर्दै लफडा परेको हो । सामाजिक सञ्जालमा भाइरल भिडियोमा प्रहरीले पारसको हात समातेर जान आग्रह गरिरहेका छन् । तर पारस जान्न भन्दै बम्किएको भिडियोमा देख्न सकिन्छ । 

काठमाडौँ प्रहरी परिसरका प्रमुख एसएसपी अशोक सिंहले एकपटक समातेर पारसलाई छाडिएको जानकारी दिएका छन् । पारस बेला बेला प्रहरीसँग लफडा गर्ने गरेका छन् । 

 

साँझ साढे ७ बजे नारायण गोपाल चोकमा प्रहरीसंग पारसले झगडा गरेछ्न । हेल्मेट नलगाई मोटर साइकलमा यात्रा गरेको कसुरमा प्रहरीले उनलाई सोधपुछ गर्ने क्रममा। ।
भिडियो : सञ्चारकर्मी गणेश बुढा pic.twitter.com/aU6j9tff38

— Lilu Dumre (@dumrelilu) July 30, 2021