नेता छान्‍न जसपा संसदीय दल बैठक जारी

काठमाडौं - जनता समाजवादी पार्टी नेपाल (जसपा) को संसदीय दलको बैठक दुई घण्टादेखि सिंहदरबारस्थित संसदीय दलको कार्यालयमा जारी छ । बैठकको मुख्य एजेण्डा संसदीय दलको नेता चयन रहेको सांसद् तथा नेता महेन्द्र राययादवले जानकारी दिए । 

दलको नेता चयनका लागि पार्टीद्वारा गठित निर्वाचन समितिले निर्वाचन तालिकासहित विधि र प्रक्रिया सार्वजनिक गरेको छ। बैठकमा सकभर सर्वसहमतिमा दलको नेता चयनको प्रयास गर्ने तर सहमति नजुटे निर्वाचन मार्फत दलको नेता चयन गर्ने तयारी भइरहेको छ । 

स्रोतका अनुसार दलको नेताका लागि पूर्वप्रधानमन्त्री तथा पार्टीका संघीय परिषद् अध्यक्ष डा. बाबुराम भट्टराई र अध्यक्ष उपेन्द्र यादवले चाहना राखिरहेका छन् । तर यादवको पक्षमा धेरै सांसद भएकाले यादव नै हुने सम्भावना प्रवल रहेको स्रोतले बतायो ।  

दलको बैठकमा २१ जना संघीय सांसदको उपस्थिति छ।